【希望你哋聽我講一次 男人們唔好俾女朋友獨自回家】
(呢篇文係以兩個女受害人嘅事件做出發點寫，當然男仔都要保護自己）
「byebye，你自己返屋企喇bo!」
「吓...好啦」
由古到今，男人送女朋友返屋企好似變咗慣例，究竟女朋友個心係諗緊咩？
1. 佢擺明唔想一日咁快完，想呢段時間同你相處耐啲都好正常。
2. 夜媽媽一個女仔喺街度行，依家咁熱，我諗佢多數著短褲、短裙㗎啦，加上佢有啲姿色的話，容乜易遇到賊，甚至變態佬？又再諗吓，有邊個估到15歲嘅游水好手，10分鐘前仲同人講返緊屋企，之後就無啦啦失蹤多日，最後變咗全裸浮屍被發現喺油塘海面？有邊個估到中大女生會被捉走，受到唔同重度嘅性暴力，最後除咗口罩企出嚟，竟然會被人抺黑？你喺度，至少可以話俾人聽：「咪掂我個女人！」，就算有人真係咁大膽要襲擊你哋，起碼你都幫手頂到一陣。
雖然好多女仔都會好似上面咁諗，不過香港女仔太硬淨又體貼....假如你同佢係香港long d情侶，一個住喺大西北，一個住喺港島，今日已經玩到成11 12點，第二日仲要朝早7點起身返工，咪好辛苦？所以佢寧願收埋呢啲心聲，都唔會出口叫你送。呢個時候，你一定要表示話肯送，到佢真係拒絕先送佢去搭的士，叫佢講車牌係咩，提埋佢上到車就沉默！！確保佢直接，而且平安返到屋企，或者陪佢返去，借啲意喺埋佢屋企瞓仲好。
拜託拜託，男人們，呢排寧願辛苦少少都唔好令心愛嘅女朋友遇到危險。至於女朋友們，返到去唔好嫌煩，一定要sd個訊息講自己安全到家，知唔知！
#我勢弱言輕
#決不虛作無聲
Search